By ઝિમ્બાબ્વેએ T20 વર્લ્ડ કપ 2026 ની 19મી મેચમાં ઓસ્ટ્રેલિયાને હરાવીને મોટો અપસેટ સર્જ્યો છે. આ મેચમાં ઝિમ્બાબ્વેએ કાંગારૂ ટીમને 23 રનથી હરાવી હતી. આ સાથે, ઝિમ્બાબ્વેએ 18 વર્ષ પછી T20 વર્લ્ડ કપમાં ઓસ્ટ્રેલિયાને ફરીથી હરાવ્યું છે. આ પહેલા ઝિમ્બાબ્વેએ 2007 ના T20 વર્લ્ડ કપમાં ઓસ્ટ્રેલિયાને હરાવ્યું હતું. મેચમાં પ્રથમ બેટિંગ કરતા ઝિમ્બાબ્વેએ ઓસ્ટ્રેલિયાને 170 રનનો લક્ષ્યાંક આપ્યો હતો. આ લક્ષ્યનો પીછો કરતા, ઓસ્ટ્રેલિયન ટીમ 146 રન બનાવીને ઓલઆઉટ થઈ ગઈ હતી. આ T20 વર્લ્ડ કપનો આ પહેલો અને મોટો અપસેટ છે.
આ મેચમાં ઝિમ્બાબ્વેને પહેલા બેટિંગ કરવાની તક આપવામાં આવી હતી. પ્રથમ બેટિંગ કરતી વખતે, ઝિમ્બાબ્વે તરફથી એક બેટ્સમેન બ્રાયન બેનેટએ આ મેચમાં અડધી સદી ફટકારી હતી, તે બેટ્સમેન બ્રાયન બેનેટ હતો. ઓપનિંગ બેટ્સમેન તરીકે મેદાનમાં આવેલા બેનેટે આ મેચમાં 56 બોલમાં 7 ચોગ્ગાની મદદથી અણનમ 64 રન બનાવ્યા હતા. તેના સિવાય, મારુમાની 21 બોલમાં 35 રન બનાવીને આઉટ થયો હતો. રાયન બર્લ 30 બોલમાં 35 રન બનાવીને આઉટ થયો હતો. અંતે, ટીમના કેપ્ટન સિકંદર રઝા 13 બોલમાં 25 રન બનાવીને અણનમ રહ્યા હતા.
લક્ષ્યનો પીછો કરતા ઓસ્ટ્રેલિયાએ માત્ર 29 રનમાં ચાર વિકેટ ગુમાવી દીધી હતી, તેમની ટીમ આ પરાજયમાંથી ક્યારેય ઉભરી શકી નહીં. ઓસ્ટ્રેલિયા તરફથી મેટ રેનશો (65) એ સૌથી વધુ રન બનાવ્યા. ગ્લેન મેક્સવેલે 31 અને ટ્રેવિસ હેડે 17 રનનું યોગદાન આપ્યું. જોશ ઇંગ્લિસ (8) સહિત સાત ખેલાડીઓ બે આંકડા સુધી પહોંચી શક્યા નહીં. કેમેરોન ગ્રીન અને ટીમાવ ડેવિડ ખાતું ખોલ્યા વિના પેવેલિયન પરત ફર્યા. ઝિમ્બાબ્વે તરફથી બ્લેસિંગ મુઝારાબાનીએ ચાર અને બ્રેડ ઇવાન્સે ત્રણ વિકેટ લીધી. વેલિંગ્ટન મસાકાડઝા અને રાયન બર્લને એક-એક વિકેટ મળી.
ઓસ્ટ્રેલિયા હાલમાં ગ્રુપ બી પોઈન્ટ ટેબલમાં ત્રીજા સ્થાને છે, એક મેચ હારી ચૂક્યું છે અને બે પોઈન્ટ ધરાવે છે. હવે તેમને આગામી રાઉન્ડમાં જવા માટે શ્રીલંકા અને ઓમાનને હરાવવાની જરૂર પડશે. આ મેચે ગ્રુપ બીને ખૂબ જ રોમાંચક બનાવી દીધો છે.
