વડગામમાં ચૂંટણીનો ગરમાવો : ફોર્મ ભરવાના અંતિમ દિવસે ઉમેદવારોનો ધસારો, જિ.પં.માં 34 અને તા.પં.માં 101 ફોર્મ ભરાયા

વડગામ તાલુકા પંચાયત, જિલ્લા પંચાયત સામાન્ય ચૂંટણી -2026, ઉમેદવારી ફોર્મ ભરવાના અંતીમ દિવસ શુક્રવારે તા.પં.- 28 બેઠકો માટે 101 ઉમેદવારી ફોર્મ તથા જિ.પં‌ -06 બેઠકો માટે 34 ઉમેદવારી ફોર્મ રજુ કરવામાં આવ્યાં હોવાનું નાયબ મામલતદાર પ્રવિણ ડી. રાઠોડે જણાવ્યું હતું. ઉમેદવારી ફોર્મ ભરવાના અંતીમ દિવસે વડગામ મામલતદાર કચેરી તથા તાલુકા પંચાયત કચેરી ખાતે રાજ્કીય પક્ષોના ટેકેદારો તથા અપક્ષ ઉમેદવાર સહિત અન્ય રાજકીય પાર્ટીઓના આગેવાનો, પદાધિકારીઓ, સરપંચો, યુવાનો વિશાળ સંખ્યામાં ઊમટી પડ્યા હતાં. શુક્રવાર સાંજે સુધી તાલુકા મથક રાજકીય છાવણીમાં ફેરવાઈ ગયું હતું. વડગામ એમ.એ.લે, ભાજપ, કોંગ્રેસ,આપ સહિત વિવિધ પાર્ટીઓના પદાધિકારીઓ વડગામ ખાતે દોડી આવ્યા હતાં.  ભાજપ, કોંગ્રેસ દ્વારા મેન્ડેડ ફાળવણી કરવામાં આવતાં કહી ખુશી, કહી ગમનાં દ્શ્યો સર્જાયો હતાં. જે ઉમેદવારો નું મેન્ડેડ કપાયું હોય તેવા નારાજ થયેલ ઉમેદવારોએ નારાજગી વ્યક્ત કરી અપક્ષ ઉમેદવારને ટેકો કરવા સિંહ ગજૅના કરી હતી. તાલુકા પંચાયત બેઠક માટે કુલ 125, ઉમેદવારી ફોર્મ તથા જિલ્લા પંચાયત બેઠક માટે કુલ 45 ઉમેદવારી ફોર્મ રજુ કરવામાં આવ્યાં હોવાનું મામલતદાર કચેરી વડગામના સુત્રોએ જણાવ્યું હતું.