પાટણ કોર્ટ કમ્પાઉન્ડમાં માતા સાથે આવેલી સગીરા અચાનક રહસ્યમય રીતે ગુમ થઈ ગઈ હતી. આસપાસ તપાસ કરવા છતાં કોઈ પત્તો ન મળતા આખરે પોલીસનો સંપર્ક કરવામાં આવ્યો હતો. સગીરાની માતાએ શંકા વ્યક્ત કરી છે કે તેમની દીકરીને લલચાવી-ફોસલાવીને કોઈ અજાણ્યા શખ્સો લઈ ગયા છે. ખાસ કરીને, માતાએ આ ઘટનામાં બે મહિલાઓની સંડોવણી હોવાની શંકા વ્યક્ત કરી છે. માતાની ફરિયાદના આધારે પાટણ પોલીસે ભારતીય ન્યાય સંહિતાની સંબંધિત કલમો હેઠળ અપહરણનો ગુનો દાખલ કર્યો છે.
પોલીસે કોર્ટ કમ્પાઉન્ડ અને આસપાસના વિસ્તારોના CCTV ફૂટેજ મેળવવાની તજવીજ હાથ ધરી છે. આ ઉપરાંત, શંકાસ્પદ મહિલાઓની ઓળખ કરવા માટે સ્થાનિક બાતમીદારોની પણ મદદ લેવામાં આવી રહી છે.
