મુંબઈના છત્રપતિ શિવાજી મહારાજ ઇન્ટરનેશનલ એરપોર્ટ પર કસ્ટમ્સ વિભાગે સોનાની તસ્કરી પર અત્યાર સુધીનો સૌથી મોટો પ્રહાર કર્યો છે. એક ગુપ્ત માહિતીના આધારે હાથ ધરાયેલા ઓપરેશનમાં અધિકારીઓએ અંદાજે 38 કરોડ રૂપિયાની કિંમતનું 29.37 કિલો સોનું જપ્ત કર્યું છે. "આ કાર્યવાહીમાં એક-બે નહીં, પણ પૂરી 24 કેન્યાઈ મહિલાઓની ધરપકડ કરવામાં આવી છે. આ મહિલાઓની મોડસ ઓપરેન્ડી જોઈને તપાસ અધિકારીઓ પણ હક્કાબક્કા રહી ગયા હતા. આ મહિલાઓએ સોનાને પોતાના કપડાંમાં, અન્ડરગારમેન્ટ્સમાં અને હેન્ડ બેગના ગુપ્ત ખાનાઓમાં અત્યંત ચાલાકીપૂર્વક છુપાવ્યું હતું."
તપાસમાં બહાર આવ્યું છે કે આ તમામ મહિલાઓ કેન્યાથી મુંબઈ આવી રહી હતી. કસ્ટમ્સ વિભાગને શંકા જતાં જ્યારે તપાસ કરવામાં આવી ત્યારે સોનાનો મોટો જથ્થો મળી આવ્યો હતો. હાલમાં આ તમામ 24 મહિલાઓની ધરપકડ કરી આંતરરાષ્ટ્રીય સ્મગલિંગ નેટવર્કના મૂળ સુધી પહોંચવા માટે તપાસ તેજ કરવામાં આવી છે."
