પાટણ એપીએમસી હોલ ખાતે 'સહકારથી સમૃદ્ધિ' કાર્યક્રમ યોજાયો..!

સહકારી ક્ષેત્રના અગ્રણીઓ સાથે સંવાદ કરી સહકાર ક્ષેત્રના વિવિધ પડકારો,તકો અને ભવિષ્યની દિશા પર ચર્ચા કરાઈ પાટણ એપીએમસી ખાતે 'સહકારથી સમૃદ્ધિ' કાર્યક્રમ અંતગૅત મંત્રીએ સહકારી ક્ષેત્રના અગ્રણીઓ સાથે સંવાદ કરી સહકાર ક્ષેત્રના વિવિધ પડકારો, તકો અને ભવિષ્યની દિશા પર ચર્ચા કરી મંત્રીએ જણાવ્યું હતું કે ગામડાં, ખેડૂત અને પશુપાલક આર્થિક રીતે સમૃદ્ધ બને એ માટે રાજ્ય સરકાર હમેશા કટિબદ્ધ છે.તેઓએ સહકાર માત્ર એક વ્યવસ્થાપન પદ્ધતિ નહીં પરંતુ ગ્રામીણ આર્થિક પ્રગતિનો મૂળ આધાર સ્તંભ હોવાનું જણાવ્યું હતું. પાટણ એપીએમસી હોલ ખાતે આયોજિત આ કાર્યક્રમમાં સહકાર રાજ્ય મંત્રી જગદીશ વિશ્વકર્મા, ધારાસભ્ય લવિંગજી ઠાકોર, અમૂલ ફેડરેશનના ચેરમેન અશોકભાઈ ચૌધરી, હુડકોના ડિરેક્ટર કે.સી.પટેલ, મેહસાણા સહકારી બેંકના ચેરમેન વિનોદ પટેલ, એપીએમસી પાટણના ચેરમેન સ્નેહલ પટેલ સહિત જીલ્લાની તમામ એપીએમસીના ચેરમેનો, ડિરેક્ટરો, સેવા સહકારી મંડળી અને દૂધ મંડળીઓના પ્રમુખો- મંત્રીઓ, સભાસદો, ખેડૂતો અને પશુપાલકો મોટી સંખ્યામાં ઉપસ્થિત રહ્યા હતા.