વડગામના મેમદપુર ગામે યુવક યુવતીનાં મૃતદેહ મળી આવતાં ચકચાર મચી જવા પામી

વડગામ તાલુકાના મેમદપુરની સીમમાં યુવક યુવતી ના મૃતદેહ ઝાડ પર લટકતી હાલતમાં મળી આવતાં ચકચાર મચી જવા પામી છે. વડગામ પોલીસ દ્વારા તપાસ હાથ ધરવામાં આવી હતી. આ અંગે પ્રાપ્ત વિગતો મુજબ મેમદપુર -ધોતા સકલાણા તરફ જતાં રોડની ડાબી સાઈડે મેમદપુર ગામના ખેતરોની બાજુમાં સોમવાર સવારે ત્યાંથી પસાર થતાં લોકો ને દોરી થી લટકી ગળે ફાંસો ખાધેલ હાલત માં યુવક યુવતી જાતાં જાણ કરવામાં આવતાં વડગામ પોલીસ મથક દ્વારા ઘટના સ્થળે દોડી આવી કાયદેસરની કાર્યવાહી હાથ ધરવામાં આવી હતી અને મૃતદેહને પોસ્ટમોર્ટમ માટે મોકલી આપવામાં આવ્યા હતા. યુવક યુવતીનાં મોત નું રહસ્ય જાણી શકાયું નથી, બનાવવા ની જાણ થતાં લોકોનો ટોળેટોળાં ઉમટી પડ્યા હતા.