પાલનપુરમાં જી.પી.એસ.સી.ની પરીક્ષા શાંતિપૂર્વક સંપન્ન, 5 મિનિટ લેટ પડતા 25 ઉમેદવારો પરીક્ષાથી રહ્યા વંચિત

23 પરીક્ષા કેન્દ્રો પર 4897 ઉમેદવારોએ પરીક્ષા આપી: 866 ઉમેદવારો રહ્યા ગેરહાજર પાલનપુરમાં 5 મિનિટ લેટ પડતા 25 ઉમેદવારો પરીક્ષાથી રહ્યા વંચિત; ગુજરાત સરકાર દ્વારા જી.પી.એસ.સી.ની પરીક્ષા યોજાઈ હતી. કલાસ-1 અને 2 માટે યોજાયેલી પરીક્ષામાં બનાસકાંઠા જિલ્લામાં 866 ઉમેદવારો ગેરહાજર રહ્યા હતા. પાલનપુરમાં 25 ઉમેદવારો 5 મિનિટ લેટ પડતા પરીક્ષાથી વંચિત રહ્યા હતા. જોકે, પરીક્ષા શાંતિપૂર્વક સંપન્ન થઈ હતી. બનાસકાંઠા જિલ્લામાં જી.પી.એસ.સી. આયોજિત કલાસ-1 & 2 ની પરીક્ષા યોજાઈ હતી. બનાસકાંઠા જિલ્લામાં 5763 ઉમેદવારો જી.પી.એસ. સી.ની પરીક્ષામાં નોંધાયા હતા. જોકે, આજે 23 પરીક્ષા કેન્દ્રો પર થી 4897 ઉમેદવારોએ પરીક્ષા આપી હતી. જ્યારે 866 ઉમેદવારો ગેરહાજર રહેતા 84.97% હાજરી નોંધાઇ હોવાનું ડી.ઇ.ઓ. ડો.હિતેશ પટેલે જણાવ્યું હતું. બનાસકાંઠા જિલ્લા મુખ્યાલય પાલનપુરના વિદ્યામંદિર પરીક્ષા કેન્દ્ર પર 25 જેટલા ઉમેદવારો 5 મિનિટ લેટ પડતા તેઓને પ્રવેશ ન આપતા તેઓ પરીક્ષાથી વંચિત રહેતા નારાજગી વ્યક્ત કરી હતી.  જોકે, ઓવરઓલ ચુસ્ત પોલીસ બંદોબસ્ત વચ્ચે યોજાયેલી પરીક્ષા શાંતિપૂર્વક સંપન્ન થઈ હતી.