થરા માર્કેટ યાર્ડમાં ભાજપની પરિવર્તન પેનલ નો ભવ્ય વિજય 

બનાસકાંઠામાં રસપ્રદ બનેલી થરા માર્કેટયાર્ડની ચૂ઼ંટણીમાં અણદાભાઈ પટેલના 22 વર્ષના શાસનનો અંત આવી ગયો છે. તેમની પેનલ હારી ગઈ છે.અને ભાજપની પરિવર્તન પેનલનો વિજય થયો છે.અણદાભાઈ જીત્યા પણ તેમની પેનલ ન જીતાડી શક્યા. માર્કેટ યાર્ડની સામાન્ય ચૂંટણી માટે 4 વેપારી વિભાગ અને ખેડૂત વિભાગના 10 ડિરેક્ટરો માટે ભાજપની પરિવર્તન પેનલ અને ભાજપના જ માર્કેટ યાર્ડના પૂર્વ ચેરમેન ની પેનલ એમ કુલ 28 ઉમેદવારો માટે સોમવારે 97% મતદાન યોજાયું હતું અને તેનું મંગળવારે સવારે 9 વાગ્યાથી 10 બુથો માં મતગણતરી હાથ ધરાઈ હતી તેમાં વેપારી વિભાગમાં ભાજપની પરિવર્તન પેનલના 3 ડિરેક્ટરો વિજેતા જાહેર થયા હતા અને ખેડૂત વિભાગના 10 માંથી 8 ડિરેક્ટરો વિજેતા જાહેર થયા હતા થરા માર્કેટ યાર્ડમાં ભાજપની પરિવર્તન પેનલનો ઐતિહાસિક વિજય થયો હતો.