વડગામના શેરપુરા ગામે જનેતાની હત્યા કરનાર કપુતને જેલ હવાલે કરાયો

વડગામના શેરપુરા (સેભર) ગામે સગા પુત્રએ પોતાની માતાના માથાના ભાગે પાવડાના ઘા ઝીંકી કાસળ કાઢી દેતાં સમગ્ર પંથકમાં કપાતર પુત્ર પ્રત્યે ઘૃપાની લાગણી ફેલાઈ છે. જોકે ઘટનાની જાણ વડગામ પોલીસને થતા વડગામ પોલીસે કપૂત પુત્ર સામે હત્યાનો ગુનો દાખલ કરી તેની અટકાયત કરી જેલ હવાલે કર્યો છે. બનાસકાંઠાના વડગામ તાલુકામાં પુત્ર જ માતાનો હત્યારો બન્યો છે. વડગામ તાલુકાના શેરપુરા (સેભર) ગામની છે જ્યાં અગમ્ય કારણોસર માતા અને પુત્ર વચ્ચે બોલાચાલી થઈ અને આવેશમાં આવી ગયેલા હત્યારા કપૂત પુત્ર પરિમલ કટારીયાએ માતા મધુબેન કટારીયાના માથાના ભાગે પાવડાના ઘા ઝીંકી માં ને લોહી લુહાણ કરી દીધી જેના કારણે મા ત્યાં જ ઢળી પડી આખરે તેનું મોત થયું. જોકે સગી માં ને મોતને ઘાટ ઉતાર્યા બાદ આ કપૂત પરિમલ ફફડી ઉઠયો અને ઘરેથી રફુ ચક્કર થઈ ગયો. જોકે તે બાદ ઘટનાની જાણ વડગામ પોલીસને થતા વડગામ પોલીસ એફએસએલ સહિતની ટીમો લઈ ઘટના સ્થળે પહોંચી અને તપાસ કરી તો પોલીસને જાણવા મળ્યું કે સગા દીકરા પરીમલે જ તેની માતાની હત્યા કરી દીધી છે. અને આ કપૂત પરિમલ ઘરેથી હત્યા કર્યા બાદ રફુચક્કર થઈ ગયો છે તે બાદ વડગામ પોલીસે અલગ અલગ ટીમો બનાવી કપૂત પરિમલ ને ઝડપી પાડવા ચક્રો ગતિમાન કરી દબોચી લીધો છે અને તે બાદ તેની પૂછપરછ હાથ ધરી તો માતા અને પુત્ર વચ્ચે અગમય કારણોસર બોલાચાલી થઈ હતી અને આ બોલા ચાલી દરમ્યાન આવેશમાં આવી ગયેલા આ કપૂત પરિમલે તેની જનની જનેતાનું જ ઢીમ ઢાળી દીધું હોવાનું ખુલ્યું છે.