પાટણ સુભાષચોક નજીકના પંપીંગ સ્ટેશન પાછળ બાયો મેડિકલ વેસ્ટનો નિકાલ કરાતા રહીશોમાં રોષ

નગરસેવક એ સ્થળ તપાસ કરી ચિફ ઓફિસરને રજુઆત કરી; મેડિકલ નગરી ગણાતા પાટણ શહેરમાં કેટલાક ડોક્ટરો પોતાનો બાયોમેડિકલ વેસ્ટ જ્યાં ત્યાં નિકાલ કરતા હોવાના કિસ્સા અવારનવાર પ્રકાશમાં આવી રહ્યા છે ત્યારે છેલ્લા ઘણા સમયથી પાટણ શહેરના સુભાષ ચોક ખાતે આવેલા પંપીંગ સ્ટેશનની પાછળના ભાગે કોઈ ડોક્ટર દ્વારા પોતાનો મેડિકલ વેસ્ટ ફેંકી જતા હોય જેના કારણે આ વિસ્તારના લોકોમાં રોગચાળો ફેલાવાની ભીતી સજૉવા પામી છે ત્યારે આ વિસ્તારના રહિશો દ્ધારા આ સમસ્યાના નિરાકરણ માટે નગરસેવક ભરતભાઈ ભાટિયા ને જાણ કરતાં તેઓએ સ્થળ તપાસ કરી પાટણ નગરપાલિકા ના ચીફ ઓફિસર ને જાણ કરી આ મેડિકલ વેસ્ટનો કાયમી નિકાલ કરાવી આ બાયોમેડિકલ વેસ્ટ અહિયા કોણ નાખી જાય છે એની તાત્કાલિક તપાસ કરાવે અને નગરપાલિકાના નિયમ મુજબ તે ડોકટર સામે કાયદેસર પગલાં ભરવા અને તેઓની સામે કાયદાકીય કાર્યવાહી કરવા રજુઆત કરી હોવાનું જાણવા મળ્યું છે.