પાટણ શહેરમાં બકરી ઈદના તહેવારને અનુલક્ષીને પોલીસે ફ્લેગ માચૅ યોજી

આગામી બકરી ઈદના તહેવારને ધ્યાનમાં રાખીને પાટણ શહેરમાં કાયદો અને વ્યવસ્થાની સ્થિતિ જાળવવા માટે પોલીસે એક્શન પ્લાન અમલમાં મૂક્યો છે. પાટણ એ ડિવિઝન પોલીસે શહેરના વિવિધ માર્ગો પર સોમવારે સાંજે ફ્લેગ માર્ચનું આયોજન કર્યું હતું. આ ફ્લેગ માર્ચનું નેતૃત્વ પાટણ એ ડિવિઝનના પોલીસ ઇન્સ્પેક્ટર અને પોલીસ સબ-ઇન્સ્પેક્ટર દ્વારા કરવામાં આવ્યું હતું. પોલીસની આ કવાયત શહેરમાં સુરક્ષાની ભાવના વધારવા અને કોઈપણ અનિચ્છનીય ઘટનાને રોકવા માટે હાથ ધરવામાં આવી હતી. ફ્લેગ માર્ચ દરમિયાન પોલીસ દળે શહેરના મુખ્ય માર્ગો અને સંવેદનશીલ વિસ્તારોમાં ચાંપતી નજર રાખી હતી. આ પગલાંથી નાગરિકોમાં સુરક્ષાની લાગણી વધી છે અને તહેવાર શાંતિપૂર્ણ રીતે ઉજવાય તે સુનિશ્ચિત કરવામાં મદદ મળશે.