GCAS : આવતીકાલથી પાટણ યુનિવર્સિટી સંલગ્ન કોલેજોમાં PG પ્રવેશ ફોર્મ ભરી શકાશે

પાટણ હેમચંદ્રાચાર્ય યુનિવર્સિટી સંલગ્ન કોલેજોમાં અનુસ્નાતક અભ્યાસક્રમમાં પ્રવેશ પ્રક્રિયા 18 જૂનથી શરૂ થશે. સ્નાતક અભ્યાસના પરિણામો જાહેર થતાં હવે વિદ્યાર્થીઓ GCAS પોર્ટલ પર ઓનલાઈન ફોર્મ ભરી શકશે.ઉત્તર ગુજરાત યુનિવર્સિટી સંલગ્ન કોલેજોમાં અગાઉ GCAS પોર્ટલ પર માત્ર રજિસ્ટ્રેશન જ શક્ય હતું. વિદ્યાર્થીઓને કોલેજ પસંદગી માટેની ચોઇસ ફિલિંગની સુવિધા ઉપલબ્ધ ન હતી. અન્ય યુનિવર્સિટીઓમાં પ્રવેશ પ્રક્રિયા શરૂ થઈ ગઈ હોવાથી વિદ્યાર્થીઓ મૂંઝવણમાં હતા.યુનિવર્સિટીએ હવે સંલગ્ન PG કૉલેજોમાં બેઠકોની ફાળવણી કરી દીધી છે. GCAS પોર્ટલ દ્વારા ટૂંક સમયમાં સંપૂર્ણ પ્રવેશ કાર્યક્રમ જાહેર કરવામાં આવશે. વિદ્યાર્થીઓ આ માહિતી પાટણ યુનિવર્સિટીની વેબસાઈટ પર જોઈ શકશે.