વાવની બે પ્રા.સ્કૂલો વચ્ચે ઉભેલો વીજ પોલ જોખમી

વાવ શહેરના જુના બસ સ્ટેન્ડ વિસ્તારમાં વાવ પ્રા.શાળા નંબર 1 અને 2 એવી બે શાળાઓ આવેલી છે. બને શાળાઓ માં મળી અંદાજીત 500 થી વધુ વિદ્યાર્થીઓ અભ્યાસ કરી રહ્યા છે. ત્યારે બને શાળાની વચ્ચે થી 11 હજાર વોલ્ટેજનો વીજ વાયર પસાર થાય છે. વધુ માં અહીં થી મુખ્ય માર્ગ પસાર થાય છે. દિવસે અને રાત્રી ના સમય દરમિયાન આ બને હેવી વાયરો અથડાતા આગ ઝરે છે. આ આવાઝ થી લોકોના ટોળા એકત્રિત થઈ ભીડ ભેગી થઈ જાય છે. ઘટના છેલ્લા કેટલાય સમય થી બની રહી છે. પરંતુ વીજ તંત્ર ભર નિંદ્રામાં પોઢી રહ્યું છે. આ બાબતે વાવ પ્રા.શાળા નામુ શિક્ષકે મીડિયા સમક્ષ રજુ કરી હતી. જો રિસેશ ના સમયે આ બને વીજ વાયરો નો અર્થીગ થયા બાદ નીચે પડ્યા તો કેટલાય નિર્દોષ ભૂલકાઓ આનો ભોગ બની શકે છે? રાજકોટ ટી.આર.પી કાંડની ઘટનાની હજુ સહી સુકાઈ નથી તેવામાં ડીસાની ફટાકડાની ફેકટરીમાં આગ લાગતાં 21 લોકો મોત નો શિકાર બન્યા છે. ત્યારે વાવમાં કોઈ અઘટિત ઘટના ન સર્જાય તે પૂર્વે વીજ તંત્ર જાગૃત બની આ વીજ વાયર રીપેર કરે તેવી લોક માંગ છે.