ગૌ માતાને રાષ્ટ્ર માતા તરીકે દરજ્જો આપવાની માંગ બુલંદ બની
સમગ્ર દેશમાં ભારતના દરેક સ્થળે હિન્દુ ધર્મની સંસ્કૃતિ અને આસ્થા ધરાવે એવી ગૌ માતા માટે ગૌ સમ્માન આહવાન અભિયાન ચલાવવામાં આવી રહ્યું છે. ત્યારે કાંકરેજ તાલુકાના મુખ્ય મથક શિહોરી ખાતે આવેલ શ્રી વાદળી ગૌ માતાના મંદિર ખાતેથી હિંદુ ધર્મના લોકોએ રેલી કાઢી ગૌ સંરક્ષણ અને સંસ્કૃતિના પવિત્ર કાર્યમાં આજુબાજુના ધર્મપ્રેમી જાહેર જનતા જોડાઈ હતી અને ગૌ માતાને રાષ્ટ્ર માતા તરીકે જાહેર કરવામાં આવે તેવી માંગ સાથે આપણા દેશમાં સંપૂર્ણ રીતે ગૌ હત્યાનો અંત આવે તે હેતુથી ગૌ સન્નમાન આહવાન અભિયાનમાં જોડાયા હતા. અને જય ગૌ માતા. જય શ્રી રામના જય ઘોષ સાથે અમારી માંગે પુરી કરોના નારા સાથે આ રેલી શ્રી વાદળી ગૌ માતાના મંદિર ખાતેથી નીકળી હતી અને શિહોરી મેઈન બજાર થઈ શિહોરી પાટણ ચાર રસ્તા વાદળી ગૌ માતાના સ્ટેચ્યુ પાસેથી મામલતદાર કચેરી ખાતે પહોંચી હતી અને ત્યાંથી મામલતદાર કચેરીએ આવેદન પત્ર આપ્યું હતું.
