ગતરોજ રખેવાળ દૈનિક સમાચાર પત્ર માંશિયાળુ સિઝન શરૂ થઈ ગઈ છતાં હજુ સુધી સુઈગામ તાલુકાના કોરેટી ગામની કેનાલમાં પાણીનું એક પણ ટીપું પડ્યું નથી. જે અહેવાલ પ્રસિદ્ધ થતાની સાથે જ જવાબદાર નર્મદા વિભાગે ગંભીર નોંધ લઈ કોરેટી પંથકના ખેડૂતો રવિ પાકના વાવેતર માટે તાત્કાલિક યુદ્ધના ધોરણે કેનાલોમાં પાણી છોડતા આ વિસ્તારના ખેડુતોમાં આનંદની લાગણી જોવા મળી છે. આ પંથકના ખેડૂતોએ જણાવ્યા અનુસાર રવિ પાકના વાવેતર માટે નવેમ્બર માસ પૂરો થવા આવ્યો હતો.
જે મુદ્દે આ વિસ્તારના લોકો પાણીથી વંચિત હોઈ કોરેટી માયનોર કેનાલમાં રવિ સિઝન ના પહેલો તબક્કો શરૂ થતાં પાણી છોડવાની માંગ કરવામાં આવી હતી. પાણી માટે આ વિસ્તારના ખેડૂતો કાગ ડોળે રાહ જોઈ બેઠા હતા. જેની જવાબદાર તંત્રએ ગંભીર નોંધ લઈ ખરા સમય પાણી છોડતા આ વિસ્તારના ખેડૂતોમાં ખુશી જોવા મળી છે. કોરેટી પંથકના ખેડૂતોને રવિ સિઝનમાં પાણી મળતા મીડિયાનો અને જવાબદાર તંત્રનો આભાર માન્યો હતો.





