ચાણસ્મા એપીએમસી: ચેરમેન-વાઇસ ચેરમેન પદ માટે સર્વાનુમતે વરણી

કૌશિક પટેલ ચેરમેન, કુંજન પટેલ વાઇસ ચેરમેન પદે ધોષિત કરાયાં

ચાણસ્મા APMC ના ચેરમેન-વાઇસ ચેરમેનની મંગળવારે બિનહરીફ વરણી કરવામાં આવી હતી. જેમાં કૌશિક પટેલ ચેરમેન અને કુંજન પટેલને વાઇસ ચેરમેન પદે ધોષિત કરાયાં હતાં. ચાણસ્મા APMC (ખરીદ વેચાણ સંઘ) ના ચેરમેન અને વાઇસ ચેરમેનની વરણી માટે મંગળવારે  APMC સભા હોલ ખાતે યોજાયેલી સામાન્ય સભામાં અગાઉના ચેરમેન દશરથભાઈ પટેલ અને વા.ચેરમેન વાસુદેવભાઈ પટેલની અઢી વર્ષની મુદત પૂર્ણ થતાં નવા હોદ્દેદારોની નિમણૂક માટે કાર્યવાહી હાથ ધરવામાં આવી હતી. જેમા ડિરેક્ટરો દ્વારા ચેરમેન પદે કૌશિકભાઈ પટેલ અને વા.ચેરમેનપદે કુંજનભાઈ પટેલના નામોની જાહેરાત કરતા સૌએ સર્વાનુમતે બંને ને સ્વીકારી શુભેચ્છાઓ પાઠવી હતી.

આ પ્રસંગે પાટણ જિલ્લા ભાજપના પૂર્વ પ્રમુખ ડૉ. દશરથજી ઠાકોર, પાટણ જિલ્લા પંચાયતના અધ્યક્ષ ભાવિકભાઈ પટેલ, ચાણસ્મા ભાજપ અગ્રણી વિનયસિંહ ઝાલા, તાલુકા ભાજપના અધ્યક્ષ કિરણભાઈ જાની, ભાજપના યુવા અગ્રણી જયેન્દ્રસિંહ,ચંદુભાઈ પટેલ સહિત APMC ચાણસ્માના ડિરેક્ટરો અને શુભેચ્છકો ઉપસ્થિત રહ્યા હતા.