વડાપ્રધાન નરેન્દ્ર મોદીના માતૃશ્રી વિશે અભદ્ર ટિપ્પણી મામલે ભાજપ મહિલા મોરચો ખફા

જિલ્લા કલેક્ટર ને આવેદનપત્ર આપી કડક કાર્યવાહીની માંગ કરી; દેશના વડાપ્રધાન નરેન્દ્ર મોદીના માતૃશ્રી વિશે કરવામાં આવેલ અભદ્ર ટિપ્પણી ને ભાજપ મહિલા મોરચાની બહેનોએ શખત શબ્દોમાં વખોડી પ્રદેશ મહિલા મોરચાની સૂચના તેમજ પાટણ જિલ્લા ભાજપ અધ્યક્ષ રમેશભાઈ સિંધવ ના માર્ગદર્શન મુજબ શનિવારે પાટણ જિલ્લા મહિલા મોરચા ની બહેનો દ્વારા જિલ્લા મહિલા મોરચા ના પ્રમુખ સુષ્માબેન રાવલ ના અધ્યક્ષ સ્થાને જિલ્લા કલેક્ટર ને આવેદનપત્ર આપવામાં આવ્યું હતું. આવેદનપત્રમાં તેઓએ તાજેતરમાં બિહાર પ્રદેશ માં વૈશ્વિક નેતા એવા દેશ ના વડાપ્રધાન નરેન્દ્રભાઇ મોદી ના દિવંગત માતૃશ્રી વિશે અભદ્ર શબ્દો નું ઉચ્ચારણ ઇન્ડિયા ગઠબંધન ના મંચ પરથી ઉચ્ચારવામાં આવ્યા નો ઉલ્લેખ કરી આ મામલે કડક કાર્યવાહી કરવામાં આવે તેવી માંગ કરી પાટણ જિલ્લાની મહિલાઓની લાગણી દુભાઈ છે. જેથી આ અંગે કઠોર કાર્યવાહી થાય તેવી માગણી સાથે કલેક્ટર ને પાટણ જિલ્લા મહિલા મોરચા દ્વારા આવેદનપત્ર આપવામાં આવ્યું હોવાનું જાણવા મળ્યું છે.