ભાભર કોર્ટે ચેક રિટર્ન કેસમાં એક આરોપીને એક વર્ષની કેદની સજા ફટકારી છે. આ ઉપરાંત, કોર્ટે આરોપીને ફરિયાદીને રૂ.5,50,000/- ચૂકવવાનો પણ આદેશ કર્યો છે. જો આરોપી આ રકમ ચૂકવવામાં નિષ્ફળ જાય, તો તેને વધુ બે માસની કેદ ભોગવવી પડશે.
મળતી વિગતો મુજબ, વાવ તાલુકાના ઈશ્વરીયા ગામના ઠાકોર મુકેશભાઈ હેદુજીને ઘરકામ માટે રૂપિયાની જરૂરિયાત ઊભી થઈ હતી. તેમણે ભાભર નવા ગામના રાઠોડ ચેહરસિંહ સિધ્ધરાજસિંહ પાસેથી રૂ.5,50,000/- હાથ ઉછીના લીધા હતા.
જ્યારે ફરિયાદી રાઠોડ ચેહરસિંહ સિધ્ધરાજસિંહે પોતાની રકમ પરત માંગી, ત્યારે આરોપી ઠાકોર મુકેશભાઈ હેદુજીએ તેમને રૂ.5,50,000/- નો ચેક આપ્યો હતો. ફરિયાદીએ આ ચેક પોતાના ખાતામાં જમા કરાવતા તે રિટર્ન થયો હતો. કેસ કોર્ટમાં ચાલી જતા નામદાર જજે આરોપીને એક વર્ષની કેદની સજા ફટકારી હતી.
