સતત 7 દિવસની ભારે જહેમત બાદ વાવ માંથી વન વિભાગની ટીમે કપિરાજ ને પીંજરે પુરી દીધા

સતત છેલ્લા એક સપ્તાહ થી વાવ શહેરમાં તોફાની કપિરાજે આંતક મચાવી વાવ શહેરના 4 થી વધુ લોકો ને બચકાં ભરી ઘાયલ કર્યા બાદ વન વિભાગની ટીમે કપિરાજ ને પકડવા માટે ભારે પ્રયાસો હાથ ધર્યા હતા.તેમ છતાં કપિરાજ વનવિભાગ ને તાબે થયા ન હતા. તેવા માં ગતરોજ વહેલી સવારે વાવ શહેરના નવી બજાર વિસ્તારમાં ફરી પાછું કપિરાજે આગમન કરી તોફાન મચાવી અન્ય એક વ્યક્તિને ઘાયલ કરતાં સારવાર લેવાની ફરજ પડી હતી. તેવામાં લોકોના ટોળે ટોળા એકત્રિત થઈ વન વિભાગની ટિમ ને જાણ કરતાં વન વિભાગની ટિમ તાબડતોબ ઘટના સ્થળે પહોંચી આવી હતી.તેમ છતાં કપિરાજ પીંજરે ન પુરાતાં અંતે વનવિભાગ ને ટીમે એરગન થી કપિરાજ ને બેભાન કરી પીંજરે પુરી દેતાં વન વિભાગની ટીમે તેમજ ગામ લોકો એ હાશકરો અનુભવ્યો હતો.