થરાદ-ડીસા હાઈવે પર અકસ્માત: બનાસ ડેરીના પૂર્વ ડિરેક્ટરનું ઘટનાસ્થળે જ કરુણ મોત

થરાદ-ડીસા હાઈવે પર આજે બે કાર વચ્ચે સર્જાયેલા ગંભીર માર્ગ અકસ્માતમાં બનાસ ડેરીના પૂર્વ ડિરેક્ટર અને સહકારી અગ્રણી ધુડાભાઈ પટેલનું ઘટનાસ્થળે જ કરુણ મોત નીપજ્યું છે. અકસ્માત એટલો ભયાનક હતો કે બંને ગાડીઓનો કચ્ચરઘાણ વળી ગયો હતો. આ ઘટનાના સમાચાર મળતા જ સમગ્ર બનાસકાંઠા પંથક અને સહકારી ક્ષેત્રમાં ભારે શોકનું મોજું ફરી વળ્યું છે. ઘટનાની જાણ થતાં જ સ્થાનિક પોલીસ કાફલો ઘટનાસ્થળે દોડી ગયો હતો અને આગળની કાર્યવાહી હાથ ધરી હતી.