રાજસ્થાન થી બાયડ જતી ઈકો ચાલકે સ્ટિયરિંગ પરનો કાબૂ ગુમાવતા અકસ્માત

શામળાજી નેશનલ હાઇવે પર ગંભીર અકસ્માત સર્જાયો હતો. જૂની આરટીઓ ચેકપોસ્ટ પાસે એક ઇકો કાર અનિયંત્રિત થઈને ચેકપોસ્ટની કેબિન સાથે અથડાઈ હતી. રાજસ્થાનના બીછીવાડાથી બાયડ તરફ જતી ઇકો કારના ચાલકે સ્ટિયરિંગ પરનો કાબુ ગુમાવતા અકસ્માત સર્જાયો હતો. અકસ્માતમાં કારમાં સવાર ત્રણ શ્રમિકોને ઈજાઓ પહોંચી હતી. ઘટનાની જાણ થતાં જ સ્થાનિક લોકોના ટોળા ઘટનાસ્થળે એકઠા થયા હતા. તાત્કાલિક 108 ઇમરજન્સી એમ્બ્યુલન્સને જાણ કરવામાં આવી હતી. 108ની ટીમે ઘટનાસ્થળે પહોંચી ઈજાગ્રસ્તોને પ્રાથમિક સારવાર આપી હતી. ત્યારબાદ તમામ ઘાયલોને વધુ સારવાર માટે શામળાજી રેફરલ હોસ્પિટલમાં ખસેડવામાં આવ્યા હતા.