અરવલ્લી જિલ્લાના જાણીતા ધાર્મિક સ્થળ બાયડના દીપેશ્વરી ધામ ખાતે સુરક્ષા વ્યવસ્થાને વધુ સઘન બનાવવાના હેતુસર નવી પોલીસ ચોકી શરૂ કરવામાં આવી છે. આ નવિન પોલીસ ચોકીનું લોકાર્પણ અરવલ્લી જિલ્લા પોલીસ અધિક્ષક (SP) મનોહરસિંહ જાડેજાના વરદ હસ્તે કરવામાં આવ્યું હતું.
દીપેશ્વરી ધામ ખાતે દર્શનાર્થે આવતા ભક્તોની સુરક્ષા તેમજ આસપાસના વિસ્તારમાં કાયદો અને વ્યવસ્થાની સ્થિતિ વધુ મજબૂત રહે તે માટે આ પોલીસ ચોકી ખૂબ જ ઉપયોગી સાબિત થશે. લોકાર્પણ પ્રસંગે સ્થાનિક પોલીસ અધિકારીઓ, અગ્રણીઓ અને મોટી સંખ્યામાં ગ્રામજનો ઉપસ્થિત રહ્યા હતા.
