પાટણ જુના પાવર હાઉસ ખાતેની વહીવટી ઓફિસ પુનઃચાલુ કરવાની માગ સાથે સહી ઝુંબેશ કાર્યક્રમ યોજાયો

પાટણ શહેરના જુના પાવર હાઉસ ખાતે જી.ઈ.બી.ની વહીવટી ઓફિસ બંધ કરી અન્યત્ર ખસેડવામાં આવતા વિસ્તારના લોકો મા જીઈબી તંત્ર પ્રત્યે નારાજગી ઉભી થવા પામી છે. ત્યારે જુના પાવર હાઉસ ખાતે જીઈબી દ્રારા બંધ કરવામાં આવેલ વીજ બીલના નાણાં સ્વીકારવાની તેમજ વીજ ધારકોને કોઈ પણ ફરિયાદ હોય તો તેનું નિરાકરણ માટે વીજ ફરિયાદ કેન્દ્ર પુનઃ ચાલુ કરવામાં આવે તેવી માગ સાથે આ વિસ્તારમાં આવતા તમામ વોર્ડની પ્રજાને સાથે રાખીને શુક્રવારે સવારે 9.45 કલાક થી 11.00 કલાકના સમય દરમ્યાન શહેરના જુના પાવર હાઉસ, ગંજ શહીદ પીર પાસે સમૂહ સહી ઝુંબેશ નો કાર્યક્રમ જૂના પાવર હાઉસ ફરિયાદ કેન્દ્ર બચાવ સમિતિ દ્ધારા આપવામાં આવ્યો હતો. આ સહી ઝુંબેશ કાયૅક્રમ મા ભાજપ- કોગ્રેસના નગરસેવકો સહિત વિસ્તારના રહીશો એ મોટી સંખ્યામાં પોતાની સહી કરી આ ઝુંબેશ ને પોતાનું સમથૅન આપ્યું હતું.