પાલનપુરના કોઝી વિસ્તારમાં ચાલુ કારમાં આગ લાગતા અફરાતફરી મચી

પાલનપુરમાં હોસ્પિટલમાં આવેલા કાર ચાલકની કારમાં અચાનક આગ લાગી હતી. જેમાં બેટરી બ્લાસ્ટ થતા આગ લાગી હોવાનું પ્રાથમિક અનુમાન વ્યક્ત થઈ રહ્યું છે. કાર માલિક પાંથાવાડાના ઝાત ગામના હોવાનું સામે આવ્યું હતું. અચાનક કારમાં આગ લાગતા દોડધામ મચી ગઇ હતી. સ્થાનિકો દ્વારા પાણીનો મારો ચલાવી આગ પર કાબુ મેળવાયો હતો. આગ બુઝાવ્યા બાદ પાલિકાનું ફાયર ફાઈટર ઘટના સ્થળે પહોચ્યું હોવાનું પ્રકાશમાં આવ્યું હતું.