પાટણમાં એક કલાકમાં બે ઇંચ વરસાદ પાણી ભરાતાં વાહનો ફસાયા

પાટણ શહેરના હાઇવે વિસ્તાર ઉપર સિદ્ધપુર ચોકડી ઉપર આવેલા બંને કોમ્પ્લેક્ષો તરફ ઢીંચણ સુધીના પાણી ભરાઈ ગયા હતા. તો હાઇવે વિસ્તાર ઉપર પણ પાણી ભરાઈ જતા વાહન ચાલકોને પસાર થવામાં ભારે હાલાકી ભોગવી પડી હતી. પાટણમાં બપોરે થી ધોધમાર વરસાદ થતાં એક કલાકમાં બે ઇંચ વરસાદ ખાબકતાં આનંદ સરોવરથી સિદ્ધપુર ચોકડી રોડ પર પાણી ભરાતાં વાહનો ફસાયા હતા. સિદ્ધપુર ચોકડી, પદ્મનાભ વિસ્તાર, મીરા દરવાજા રોડ, ગાયત્રી મંદિર રોડ, કે.કે.ગર્લ્સ હાઇસ્કૂલ રોડ, લીલીવાડી રોડ, ટેલીફોન એક્સચેન્જ રોડ, સુદામા ચોકડી, પારેવા સર્કલ, ખાલકશાપીર રોડ, ધનાસરા છાપરા વિસ્તાર સહિતના રસ્તાઓ પર વરસાદી પાણી ભરાતા રાહદારીઓ અને વાહન ચાલકો અટવાઈ પડ્યા હતા.