વાવ પોલીસની મોટી સફળતા: કાર પર તીક્ષ્ણ હથિયારોથી હુમલો કરનાર ટોળકી ઝડપાઈ

થોડા દિવસો પહેલા વાવ પોલીસ મથકના વાવ શહેરના વિસ્તારમાં બને એક જ સમાજના જૂથ વચ્ચે કોઈ સામાજિક કારણોસર મામલો બીચકી જતાં એક બ્લેક કલરની આવી રહેલી કાર ઉપર એક પિકઅપ વાહન ભરીને આવેલા ટોળાએ તીક્ષણ હથિયારો તેમજ ધોકા લાકડીઓ વડે હુમલો કરી ગાડીને તેમજ તેમાં બેઠેલા લોકોને ઇજાઓ પહોંચતા વાવ પોલીસ મથક ખાતે જીવલેણ હુમલા સહિત અનેક ગંભીર પ્રકારની કલમો સાથે ગુનો નોંધાયો હતો. જોકે હુમલો કરી આરોપીઓ ફરાર થઇ ગયા હતા.જિલ્લા પોલીસ વડા વાવ થરાદ ચિંતન તરૈયાના આદેશ અનુસાર વાવ પોલિસ મથકના પી.આઇ.એસ.એમ વસાવા તેમજ સ્ટાફ મિત્રો એ તપાસનો દોર શરૂ કરી તાત્કાલિક ગણતરીના કલાકોમાં આરોપીઓ પેકી મુખ્ય ત્રણ સૂત્રધારોમાંથી અરજણ પીરા રબારી રહે.ખી.વાસ તા.વાવ મુકેશ રગનાથ રબારી મેરાજ માદેવ રબારી બને રહે.વજાપર તા.ભાભર વાળાને ઝડપી જેલના સળિયા પાછળ ધકેલી આગળની વધુ તપાસ વાવ પી.આઇ.એસ.એમ.વસાવા ચલાવી રહ્યા છે.