પોલીસે ગણતરીના કલાકોમાં ચોરીનો ભેદ ઉકેલ્યો
ઊંઝા તાલુકાના ઉનાવા એપીએમસીમાં આવેલી એક ઓફિસમાંથી થયેલી રૂપિયા ૫.૯૯ લાખની ચોરીનો ભેદ ઉકેલવામાં ઉનાવા પોલીસને સફળતા મળી છે. પોલીસે ટેકનિકલ અને હ્યુમન સોર્સની મદદથી માત્ર ગણતરીના કલાકોમાં જ ત્રણ આરોપીઓને મુદ્દામાલ સાથે દબોચી લીધા છે.
મળતી માહિતી મુજબ ઉનાવા ગંજ બજારમાં આવેલી દુકાન નં.૪૦ માં તસ્કરોએ ત્રાટકીને બંધ ઓફિસના દરવાજા ખોલી પ્રવેશ કર્યો હતો. તસ્કરોએ ઓફિસમાં રહેલી તિજોરીનું લોક તોડી ડ્રોવરમાં રાખેલા રોકડા રૂપિયા ૫,૯૯,૦૦૦ ની ચોરી કરી ફરાર થઈ ગયા હતા. આ મામલે ઉનાવા પોલીસ સ્ટેશનમાં ગુનો નોંધાયો હતો. ચોરીની ઘટનાને પગલે પોલીસ હરકતમાં આવી હતી અને અલગ-અલગ ટીમો બનાવી તપાસ હાથ ધરી હતી. પેટ્રોલિંગ દરમિયાન બાતમી મળી હતી કે, ઉનાવા શનિદેવ મંદિર પાસે હાઈવે પર ત્રણ શંકાસ્પદ શખ્સો ઉભા છે. પોલીસે તુરંત જ સ્થળ પર પહોંચી કોર્ડન કરીને ત્રણ શખ્સોને પકડી પાડ્યા હતા.
પૂછપરછ દરમિયાન આ શખ્સોએ માર્કેટ યાર્ડમાં ચોરી કરી હોવાની કબૂલાત કરી હતી. આરોપીઓ પાસેથી લાખોની રોકડ અને બાઈક જપ્ત પોલીસે ઝડપાયેલા આરોપીઓ પાસેથી ૪,૦૫,૬૦૦ રોકડ રકમ, ૨૦,૦૦૦ ની કિંમતનું મોટરસાયકલ, ૩ નંગ મોબાઈલ ૩૦,૦૦૦ મળી કુલ મુદ્દામાલ રૂઊ ૪,૫૫,૬૦૦ સાથે (૧) રાજુજી ચતુરજી ઠાકોર ઉ.વ.૩૯, રહે. મોહનપુરા, ઉનાવા (૨) ડાહ્યાજી બાલાજી ઠાકોર ઉ.વ.૩૫ રહે. ડાભી છત્રીપુરા, ઉંઝા. (૩) કૌશિકજી રમેશજી ઠાકોર ઉ.વ.૨૦ રહે.ઉંઝાને ઝડપી કાયદેસરની કાર્યવાહી હાથ ધરી છે.
