મારુતિ કારની ટક્કર વાગતા બાઈક ચાલક સ્કૂલવાનમાં ઘૂસી ગયો
સમીના બાસ્પા બસ સ્ટેન્ડ નજીક ટ્રિપલ અકસ્માત સર્જાયો હતો જેમાં એક મારુતિ કારે બાઈકને ટક્કર મારતા બાઈક સવાર સ્કુલવાનમાં ધૂસી જતાં બાઈક પર સવાર બે યુવાનો ઇજાગ્રસ્ત થયા હતા. ઇજાગ્રસ્ત બંને યુવાનો મહંમદપુરા (બાસ્પા) ગામના રહેવાસી હોવાનું સામે આવ્યું છે.ઘટનાની જાણ થતાં જ 108 એમ્બ્યુલન્સ તાત્કાલિક સ્થળ પર પહોંચી હતી અને ઇજાગ્રસ્તોને પ્રાથમિક સારવાર આપી વધુ સારવાર માટે રાધનપુર ખસેડવામાં આવ્યા હતા.
અકસ્માત બાદ બાસ્પા બસ સ્ટેન્ડ વિસ્તારમાં થોડા સમય માટે ટ્રાફિક જામની સ્થિતિ સર્જાઈ હતી. રસ્તા પર વાહનોની લાંબી કતારો જોવા મળી હતી, જેના કારણે વાહનચાલકોને હાલાકી ભોગવવી પડી હતી. પોલીસે ઘટનાસ્થળે પહોંચી ટ્રાફિક વ્યવસ્થા સંભાળી હતી અને અકસ્માત અંગે વધુ તપાસ હાથ ધરી હોવાનું જાણવા મળ્યું છે.
