મુડેઠા નજીક ટ્રેલર ચાલકે કાબૂ ગુમાવતા હાઈવે રોડની સાઈડમાં પલટાયું

ડીસાથી રાધનપુર તરફ જઈ રહેલા ટ્રેલર ચાલકને 15 મી ઓગસ્ટની વહેલી સવારે ડીસા તાલુકાના મુડેઠાના પેટ્રોલ પંપ પાસે ઝોકું આવી જતાં સ્ટેરીંગ પરનો કાબુ ગુમાવ્યો હતો. આથી ટ્રેલર હાઈવે રોડની સાઈડમાં ચોકડીમાં પલટી ગયું હતું. જેમાં ભરેલા કટ્ટા વેર વિખેર થઈ ગયા હતા. ઘટનાસ્થળે લોકોના ટોળેટોળા એકઠા થયા હતા. અને ટ્રેલરને ભારે જહેમત બાદ ક્રેનની મદદ થી હાઈવે રોડની સાઈડમાં આવેલ ચોકડીમાંથી બહાર કઢાયું હતું. અકસ્માતમાં ચાલકનો બચાવ થયો હતો.