પાટણના માર્ગ ઉપર પડેલા ખાડાઓનું પાલિકા દ્વારા રોડા-કોંક્રેટ દ્વારા પુરાણ કામ હાથ ધરાયું

પાટણ શહેરના કેટલાક વિસ્તારોમાં હાલમાં અંડરગ્રાઉન્ડ વાયરીંગની કામગીરી તેમજ ભૂગર્ભ ગટરની લાઈન નાંખવાની કામગીરી ચાલી રહી છે. અને તેને લઈને શહેરના માર્ગો પર ખોદ કામ કરવામાં આવ્યું હોય અને કામગીરી પૂર્ણ થયા બાદ ખોદકામ કરેલ માર્ગને પુરાણ કરી સમતલ બનાવવામાં આવ્યો હોય પરંતુ છેલ્લા બે દિવસથી હવામાન વિભાગની આગાહીના પગલે પાટણ શહેરમાં પડેલા વરસાદના કારણે ખોદકામ કરાયેલા માર્ગો પર કરાયેલ પુરાણનું દબાણ થતાં માર્ગો પર ખાડા પડી જવાના કારણે અકસ્માત થવાની સંભાવનાને ધ્યાનમાં રાખીને પાટણ નગરપાલિકા દ્વારા ખાડા પડેલા માર્ગમાં રોડા-કોંક્રેટ સાથે પથ્થરનાં બ્લોકથી પુરાણ કરવામાં આવી રહ્યું છે.પાટણ શહેરના વિવિધ માર્ગો પર વરસાદના કારણે પડેલા ખાડાઓના પુરાણ માટે પાલિકા તંત્ર દ્વારા હાથ ધરાયેલી કામગીરીને વાહન ચાલકો અને રાહદારીઓ સહિત શહેરીજનોએ સરાહનીય લેખાવી છે.