કારોબારી ચેરમેન તરીકે અંકુરભાઈ ત્રિવેદીની નિયુક્તિ
સિદ્ધપુર નગરપાલિકાના પ્રમુખ, ઉપ પ્રમુખ ચૂંટવાની પ્રક્રિયા નગરપાલિકાના હોલમાં ચૂંટણી અધિકારી જયભાઈ બારોટ અને સી.ઓ કૃપેશભાઈ પટેલના અધ્યક્ષ સ્થાને યોજાઈ હતી. જેમાં ભારતીય જનતા પાર્ટી તરફથી નિકુલભાઇ પટેલ જિલ્લા મંત્રી અને દિલીપભાઈ જોષી સંગઠન મંત્રી બંધ કવરમાં પ્રમુખ અને ઉપ પ્રમુખના નામો રજૂકરવામાં આવ્યા હતા. જેમાં સિદ્ધપુર નગરપાલિકાના પ્રમુખ તરીકે ઓબીસી રોસ્ટર હોવાના કારણે અઢી વર્ષ માટે રણજિતસિહ અમરસિહ ઠાકોર અને ઉપપ્રમુખ તરીકે પ્રમોદભાઈ પટેલની વરણી કરાઈ હતી.
સાથે કારોબારી ચેરમેન તરીકે અંકુરભાઈ અજીતભાઈ ત્રિવેદી, નિરંજનભાઈ પંચાલ પક્ષના નેતા તેમજ કશીસબેન ક્રિપલાનીને દંડક તરીકે નિમણૂક કરાતા કાર્યકર્તાઓ અને સ્નેહીજનોમાં હર્ષની લાગણી વ્યાપીગઈ હતી. ઉપરોક્ત નામોની જાહેરાત થતા ફટાકડા ફોડી ઉજવણી કરાઈ હતી. નગરપાલિકાના પ્રમુખ, ઉપપ્રમુખની ચૂંટણીમાં નગરપાલિકાના 9 વોર્ડના તમામ 36 સભ્યો હાજર રહ્યા હતા. જેમાં 26 સભ્યો બીજેપીના તેમજ 6 સભ્યો કોંગ્રેસના અને 4 અપક્ષના સભ્યો હાજર રહ્યા હતા.
