વાવ-થરાદ જિલ્લા પંચાયતના પ્રથમ મહિલા પ્રમુખે પદભાર સંભાળ્યો

 વાવ-થરાદ જિલ્લા પંચાયતના નવનિયુક્ત પ્રથમ મહિલા પ્રમુખ તરીકે  રત્નીબેન હરચંદભાઈ પરમારે વિધિવત રીતે પોતાનો પદભાર સંભાળ્યો છે. આ પ્રસંગે શુભેચ્છા આપવા વાવના રાણા ગજેન્દ્રસિંહ આવી પહોંચ્યા હતા. અને નવનિયુક્ત પ્રમુખ રત્નીબેન પરમારને પુષ્પગુચ્છ અર્પણ કરી હૃદયપૂર્વકની શુભેચ્છાઓ અને શુભકામનાઓ પાઠવી હતી. પદભાર ગ્રહણ કર્યા બાદ રાણા ગજેન્દ્રસિંહજીએ આશા વ્યક્ત કરી હતી કે, રત્નીબેનના નેતૃત્વમાં વાવ-થરાદ પંથક વિકાસના નવા આયામો સર કરશે. અને લોકહિતના કાર્યોને નવી ગતિ મળશે ​આ પ્રસંગે સ્થાનિક આગેવાનો, કાર્યકર્તાઓ અને મોટી સંખ્યામાં શુભેચ્છકો ઉપસ્થિત રહ્યા હતા અને નવનિયુક્ત પ્રમુખને અભિનંદન પાઠવ્યા હતા.