વાવ-થરાદ જિલ્લા એલ.સી.બી.પોલીસે થરાદ પોલીસ સ્ટેશન વિસ્તારમાં બેવટાથી રાહ તરફ જતા રોડ ઉપર લુવાણા (ક.) ગામની સીમમાંથી ચોરખાનું બનાવેલી મિની ટ્રકમાંથી વિદેશી દારૂનો મોટો જથ્થો ઝડપી પાડ્યો હતો.પોલીસ પેટ્રોલિંગ દરમિયાન શંકાસ્પદ મિની ટ્રકને રોકી તપાસ કરતા તેમાં બનાવેલા ગુપ્ત ચોરખાનામાંથી વિદેશી દારૂ અને બિયર ટીન મળી આવ્યા હતા. પોલીસે કુલ 7020 બોટલ અને ટીન કિ.રૂા.14.58 લાખનો દારૂ, રૂ.10 લાખની મિની ટ્રક, મોબાઈલ સહિત કુલ રૂ.24.63 લાખનો મુદ્દામાલ કબ્જે કર્યો હતો.
આ કાર્યવાહી પરીક્ષિતા રાઠોડ, પોલીસ મહાનિરીક્ષક અને ચિંતન તેરૈયા, પોલીસ અધિક્ષકના માર્ગદર્શન હેઠળ એલ.સી.બી. પીઆઈ એ.પી. ચૌધરીની ટીમે હાથ ધરી હતી. પોલીસે ટ્રક ચાલકની અટકાયત કરી દારૂ મોકલનાર અને મંગાવનાર શખ્સો સામે થરાદ પોલીસ સ્ટેશન ખાતે પ્રોહિબિશન એક્ટ હેઠળ ગુનો નોંધી વધુ તપાસ હાથ ધરી છે.
