થરા શહેર કોંગ્રેસ સમિતિ દ્વારા મતદાર યાદી સુધારણામાં ગરબડના આક્ષેપો સાથે ઓગડ મામલતદારને આવેદનપત્ર આપ્યું

થરા શહેર કોંગ્રેસ સમિતિ પ્રમુખ વદનજી ચેનુજી ઠાકોરે મામલતદાર ઓગડ,થરાને મતદાર યાદી સુધારણા બાબતે આવેદનપત્ર આપ્યું હતું.જેમાં પાંચ મુદ્દા જેવા કે,તા. ૧૯/૧૨/૨૦૨૬ ના રોજ પ્રસિદ્ધ કરેલ મુસદ્દા મતદાર યાદીમાં જે વ્યક્તિના નામ અન્ય ગામોમાં છે. જે તા. ૧૭/૦૨/૨૦૨૬ ના રોજની પ્રસિદ્ધ થયેલ મતદાર યાદીમાં થરા નગર પાલિકાની મતદાર યાદીમાં છે.તા. ૧૯/૧૨/૨૦૨૬ ના રોજ પ્રસિદ્ધ કરેલ મુસદ્દા મતદાર યાદીમા ભાગ નં. ૨૨૫, ક્રમાંક નં ૮૧, ૮૨, ૮૩, ૧૧૬, ૨૨૧ વગેરે મતદારો તાણા ગામમાં હતા અને રહેઠાણ પણ ત્યાં ધરાવે છે.જે ક્રમાંક વાળા મતદારો તા. ૧૭/૦૨/૨૦૨૬ ના રોજની પ્રસિદ્ધ થયેલ મતદાર યાદીમાં થરા ભાગ નં ૧૮૭ માં નગર પાલિકાની મતદાર યાદી સમાવેશ કરવામાં આવેલ છે. તે ક્યા પુરાવાના આધારે કરવામાં આવેલ છે ? જેની સંપૂર્ણ માહિતી આપવી. તા. ૧૯/૧૨/૨૦૨૬ના રોજ પ્રસિદ્ધ કરેલ મુસદ્દા મતદાર યાદીમાં તાણા ગામના ૭૦ થી વધુ મતદારો હતા. જે તા. ૧૭/૦૨/૨૦૨૬ ના રોજની પ્રસિદ્ધ થયેલ મતદાર યાદીમાં થરા નગર પાલિકાની મતદાર યાદી સમાવેશ કરવામાં આવેલ છે,થરા નગર પાલિકાની મતદાર યાદીમાં તાણા તેમજ અન્ય ગામોના મતદારોનો સમાવેશ કરવામાં આવેલ છે. જેને તાત્કલિક ધોરણે પોતાના ગામમાં મુકવામાં આવે અને થરા નગર પાલિકા મતદાર યાદી સાથે ચેડા કરનાર વ્યક્તિ સામે કાયદેસર કાર્યવાહી કરવામાં આવે તેવી માંગ કરી હતી.