બીલો વગરના મોટરસાયકલની બેટરીઓ સાથે બે ઈસમોને પકડી પાડતી સમી પોલીસ

બીલો વગરના મોટર સાયકલની બેટરીઓ સાથે બે ઈસમોને સમી પોલીસે બાતમીના આધારે ઝડપી કાયદેસરની કાર્યવાહી હાથ ધરી હોવાનું જાણવા મળ્યું છે. આ બાબતે મળતી હકીકત મુજબ પાટણ જિલ્લા પોલીસ અધિક્ષકવી.કે.નાયી નાઓનીસુચના તેમજ નાયબ પોલીસ અધિક્ષક રાધનપુર વિભાગના ડી.ડી.ચૌધરીના સીધા માર્ગદર્શન હેઠળ જીલ્લામાં ચોરી સબંધીત પ્રવૃતિ ઉપર વોચ રાખી આવી પ્રવૃતિ સદંતર નાશ થાય તેવી આપેલ સુચના આધારે સમી પોલીસ સ્ટેશનના ઈ.ચા.પીઆઈ એ.પી.જાડેજા પોલીસની ટીમ સાથે સમી પો.સ્ટે. વિસ્તારમાં પેટ્રોલીંગમાં હતા તે દરમ્યાન ખાનગી રાહે મળેલ બાતમી આધારે સમી ગામે નાયકા ત્રણ રસ્તા પાસે બે ઇસમો પ્લાસ્ટીકની થેલીઓમાં ચોરી કરેલ મો.સા.માં વપરાતી બેટરીઓ લઇ આવનાર છે.જે હકીકત આધારે ટીમે વોચ મા રહી સદરી ઇસમો મળી આવતા જેઓને બેટરીઓ સાથે પકડી પાડી બી.એન.એસ.એસ. કલમ-૧૦૬,૩૫(૧)ચ મુજબ નીયાઝ મહેબુબ કમાલશા દિવાન રહે. સમી બસ સ્ટેશન પાછળ તા.સમી જી.પાટણ અને વાહીદ ઉંમરભાઇ ઉસ્માનભાઈ ચૌહાણ રહે. સમી સબનમપાર્ક સોસાયટી તા.સમી જી.પાટણની મુદામાલ સાથે અટકાયત કરી આગળની કાર્યવાહી હાથ ધરી હોવાનું જાણવા મળ્યું છે.