પાલિકા અને તાલુકા પંચાયતમાં ભાજપનું શાશન
સ્થાનિક સ્વરાજ્યની ચૂંટણી પૂર્ણ થતાં ભાભર શહેર અને તાલુકામાં રાજકીય ચિત્ર સ્પષ્ટ બન્યું છે. ભાભર નગર પાલિકાની 6 વોર્ડની કુલ 24 બેઠકો પર ભાજપે વિજય મેળવ્યો છે. જેમાં ભાજપના તમામ ઉમેદવારો વિજયી બનતા કોંગ્રેસનું ખાતું પણ ખુલ્યું નથી.
ભાભર નગરપાલિકામાં પ્રથમ અઢી વર્ષની ટર્મ માટે પ્રમુખ પદ ઓબીસી માટે અનામત છે. જેથી ઓબીસી સમાજમાંથી ભાજપના ચૂંટાયેલા સભ્યને પ્રમુખ પદની જવાબદારી સોંપવામાં આવશે.તે બાદના અઢી વર્ષ માટે સામાન્ય બેઠક છે. બીજી તરફ, ભાભર તાલુકા પંચાયતની 18 બેઠકોમાંથી ભાજપે 10 બેઠકો જીતી સ્પષ્ટ બહુમતી મેળવી છે. કોંગ્રેસને 7 બેઠકો મળી છે, જ્યારે 1 બેઠક પર અપક્ષ ઉમેદવાર વિજયી બન્યા છે.
આમ તાલુકા પંચાયતમાં પણ ભાજપે સત્તા હાંસલ કરી છે. તાલુકા પંચાયતના પ્રમુખ પદ માટે બેઠક સામાન્ય જાહેર કરવામાં આવી છે. તેથી ભાજપ તરફથી સામાન્ય વર્ગના ચૂંટાયેલા સભ્યને પ્રમુખ પદ માટે પસંદ કરવામાં આવશે.
