નડાબેટ ઇન્ડો - પાક બોર્ડર પર રક્ષાબંધન પર્વની ઉજવણી કરવામાં આવી

સરહદી નડાબેટ ઇન્ડો-પાક બોર્ડર પર રક્ષાબંધન પર્વની હર્ષોલ્લાસ સાથે ઉજવણી કરવામાં આવી હતી. દેશના લોકોની સુરક્ષાની જવાબદારી જેમના શિરે છે, એ આર્મીના જવાનોને વિવિધ શાળાઓના વિદ્યાર્થીઓએ અને પ્રજાજનો એ રક્ષાસૂત્ર બાંધીને તેમના પ્રત્યે કૃતજ્ઞતા વ્યક્ત કરી હતી. સુરક્ષા કર્મીઓ પોતાના પરિવાર સાથે તહેવારો ઉજવી શકતા નથી. તેથી નડાબેટ મુકામે વિવિધ તહેવારોની ઉજવણી કરીને તેમના જીવનને ખુશીઓથી પાવન કરવાનો અથાગ પ્રયત્ન કરવામાં આવે છે. તેના અનુસંધાને રક્ષાબંધન પર્વની ધામધૂમથી ઉજવણી કરવામાં આવી હતી. આ ઉજવણી પ્રસંગે સેનાના જવાનોને બહોળી સંખ્યામાં વિદ્યાર્થીઓ અને પ્રવાસીઓએ ઉપસ્થિત રહીને રક્ષાબંધન પર્વની શુભકામનાઓ પાઠવી હતી