વાવ પોલીસે IPL-2026 ક્રિકેટ મેચ પર ચાલતા ઓનલાઈન સટ્ટાબાજીનો પર્દાફાશ કર્યો છે. આ કાર્યવાહીમાં બે આરોપીઓની ધરપકડ કરવામાં આવી છે. દરોડા દરમિયાન રૂ. 5 લાખથી વધુનું ઓનલાઈન ક્રેડિટ બેલેન્સ અને અન્ય મુદ્દામાલ જપ્ત કરાયો છે.વાવ પોલીસ સ્ટેશનના સ્ટાફને મળેલી બાતમીના આધારે વાવ ટાઉનના રાઠોડવાસ વિસ્તારમાં દરોડો પાડવામાં આવ્યો હતો. અહીં લખનઉ અને બેંગલોર વચ્ચેની T-20 મેચ પર ઓનલાઈન સટ્ટો રમાઈ રહ્યો હતો.
આરોપીઓ PDMEXCH નામની ક્રિકેટ આઈડી લિંકનો ઉપયોગ કરીને મોબાઈલ ફોન દ્વારા જુગાર ચલાવતા હતા. પોલીસે જુગારની આઈડીમાં રહેલું રૂ. 5,25,675નું ક્રેડિટ બેલેન્સ, પાંચ મોબાઈલ ફોન અને એક લેપટોપ સહિત કુલ રૂ. 36,500નો મુદ્દામાલ કબજે કર્યો છે. આ મામલે લુણસેલા ગામના સંજય બ્રાહ્મણ અને વાવ રાઠોડવાસના ભીખા રાઠોડની ધરપકડ કરવામાં આવી છે. પોલીસે તેમની સામે ગુનો નોંધી વધુ તપાસ હાથ ધરી છે.
