અમીરગઢમાં પોલીસે પકડેલા 2.70 કરોડના દારૂ ઉપર બુલડોઝર ફરી વળ્યુ

બનાસકાંઠા જિલ્લાના અમીરગઢ માં આજે પોલીસે 2.70 કરોડ ના દારૂ ઉપર બુલડોઝર ફેરવી મોટી કાર્યવાહી કરી હતી. સપ્ટેમ્બર ૨૦૨૪ થી જાન્યુઆરી ૨૦૨૫ દરમીયાન પકડાયેલ ૧૮ ગુનામાં જપ્ત કરાયેલા 2.70 કરોડ ના વિદેશી દારૂનો નાશ કરવામાં આવ્યો હતો. અમીરગઢ પોલીસે પોકલેન મશીન અને ટ્રક મારફતે દારૂ નો જથ્થો સેલટેક્સ ઓફિસ પાસે લઈ જઈ દારૂનો નાશ કરવામાં આવ્યો હતો. મામલતદાર એએસઆઇ સહિતના અધિકારીઓ ની હાજરીમાં દારૂના જથ્થા પર બુલડોઝર ફેરવી તેનો નાશ કરવામાં આવ્યો હતો. આ કાર્યવાહી દરમ્યાન સેલટેક્ષ ઓફિસ પાસે દારૂની નદી વહેતી થઈ હતી. આ રીતે પોલીસે કાયદેસર રીતે દારૂ ના જથ્થાનો નાશ કરી પ્રોહીબીસન ના કાયદાનું પાલન કર્યું હતું.