પાટણ; જ્વેલર્સની દુકાનમાં બે શખ્સોએ 3 લાખની સોનાની વીંટીઓની ચોરી કરી ફરાર

પાટણની સોની બજારમાં આવેલી એક જ્વેલર્સની દુકાનમાં બે અજાણ્યા શખ્સોએ 3.24 લાખની કિંમતની સોનાની વીંટીઓની ચોરી ફરિયાદી નિલેષકુમાર મનોરભાઈ પટેલ (ઉંમર 46, ધંધો સોનીકામ, રહે. શારદા ટોકીઝ પાસે, દ્વારકાધીશનો માઢ)ના જણાવ્યા અનુસાર, તેઓ અને તેમના પત્ની દુકાનમાં હાજર હતા. એક અજાણ્યો શખ્સ દુકાનમાં આવ્યો અને સોનાની કડી તથા પેન્ડલ માંગ્યા. પેન્ડલ પસંદ ન આવતાં નિલેષકુમાર તેમના પત્નીને દુકાનમાં બેસાડી બાજુની દુકાનમાં પેન્ડલ લેવા ગયા. તે દરમિયાન બીજો એક અજાણ્યો શખ્સ દુકાનમાં આવ્યો. તેણે નિલેષકુમારના પત્નીની નજર ચૂકવીને સોનાના દાગીનાનો ડબ્બો બહાર કાઢ્યો. આ ડબ્બામાંથી લેડીઝ વીંટીઓવાળી પ્લાસ્ટિકની કોથળી ચોરી કરી લીધી. કોથળીમાં અલગ-અલગ વજનની અંદાજે 18થી 20 જેટલી લેડીઝ વીંટીઓ હતી. આ વીંટીઓનું કુલ વજન આશરે 45 ગ્રામ અને કિંમત અંદાજે રૂ. 3,24,000 થાય છે. બંને અજાણ્યા ચોર શખ્સો વીંટીઓ લઈને ફરાર થઈ ગયા છે. આ ઘટના અંગે પાટણ એ ડિવિઝન પોલીસ મથકમાં ફરિયાદ નોંધવામાં આવી છે. પોલીસે આગળની તપાસ શરૂ કરી છે.