ગુજરાત રાજ્ય સમસ્યા મંચ(સુચિત) ના સંયોજક શૈલેષભાઈ નાયી દ્રારા લેખિતમાં રજૂઆત કરી
પાટણ ડેપોની તેમજ અન્ય વિભાગોની બસોનું રાત્રી રોકાણ ચોરમારપુરા ખાતે સરસ્વતી તાલુકાના ડેપોમા કરવા રાજ્ય સરકાર સમક્ષ ગુજરાત રાજ્ય સમસ્યા મંચ(સુચિત) ના સંયોજક અને સામાજિક,સેવાભાવી યુવા અગ્રણી શૈલેષભાઈ નાયી દ્રારા લેખિત રજૂઆત કરવામાં આવી છે. સરસ્વતી તાલુકાના ચોરમારપુરા ગામ ખાતે કરોડો ના ખર્ચે નિર્માણ પામેલા આધુનિક અને સુવિધાસભર સરસ્વતી બસ સ્ટેન્ડનો વધુ અસરકારક ઉપયોગ થાય તે માટે અહીં નાઈટ હોલ્ટની વ્યવસ્થા શરૂ કરવાની માંગ ઉઠતા આ અંગે તેઓએ નાયબ મુખ્યમંત્રી, મંત્રી અને વાહન વ્યવહાર મંત્રી હર્ષ સંઘવી અને રાજ્ય કક્ષાના વાહન વ્યવહાર મંત્રી પ્રવીણભાઈ માળી સહિત ગુજરાત રાજય એસટી વિભાગ ના ઉચ્ચ અધિકારીઓને લેખિતમાં રજૂઆત કરી જણાવ્યું છે કે હાલમાં પાટણ ડેપો ખાતે વિવિધ વિભાગોની એસ.ટી. બસો રાત્રિ રોકાણ માટે આવે છે.
જો આ તમામ બસોને સરસ્વતી તાલુકાના ચોરમારપુરા સ્થિત નવા બસ સ્ટેન્ડ ખાતે નાઈટ હોલ્ટ આપવામાં આવે તો બસ સ્ટેન્ડની રોનકમાં વધારો થશે અને સરકારી સુવિધાઓનો વધુ સદુપયોગ થઈ શકશે.પાટણ શિહોરી હાઈવે ઉપર આવેલ ચોરમારપુરા ખાતે સરસ્વતી તાલુકા મામલતદાર કચેરી, તાલુકા પંચાયત, કોર્ટ કચેરી,સાયન્સ મ્યુઝિયમ તેમજ કેન્દ્રીય વિદ્યાલય જેવી મહત્વપૂર્ણ સંસ્થાઓ આવેલી હોવાથી આ વિસ્તાર ઝડપથી વિકાસના માર્ગે આગળ વધી રહ્યો હોવાનું રજૂઆત માં તેઓએ જણાવી આ બાબતે યોગ્ય કાર્યવાહી કરી સરસ્વતી બસ સ્ટેન્ડને નાઈટ હોલ્ટ કેન્દ્ર તરીકે વિકસાવવા માંગ કરી છે.
