લક્ઝરીમાં લઈ જવાતો શંકાસ્પ ધી નો જથ્થો ઝડપી લેતી પાટણ એસઓજી ટીમ

શંકાસ્પદ ધી ના ડબ્બા નંગ-૧૦૫ કી.રૂ. ૩,૯૨, ૨૫૦ નો જથ્થો ઝડપી આગળ ની કાર્યવાહી હાથ ધરી; પાટણ એસઓજી.પી.આઈ. જયદીપસિંહ સોલંકી અને તેમની ટીમે ગુરુવારની સાંજે પાટણ નજીકના રૂની- હાજીપુર માગૅ પરથી લકઝરી બસમાં લઈ જવાઈ રહેલ શંકાસ્પદ ઘીનો જથ્થાને ઝડપી લઇ કાયદેસરની કાર્યવાહી હાથ ધરતા પાટણ શહેર અને જિલ્લામાં ઘીમાં ભેળસેળ કરતા વેપારીઓમાં ફફડાટ વ્યાપી જવા પામ્યો છે. ટીમને ગુરૂવારે સાંજે ખાનગી રાહે બાતમી મળી હતી કે પાટણ થી સિધ્ધપુર તરફ જતી રાજધાની ટ્રાવેલ્સ ની ખાનગી લક્ઝરી બસમાં પાટણ ઘી બજારના કેટલાક વેપારીઓનો શંકાસ્પદ ઘીનો જથ્થો મુંબઈ લઈ જવા રવાના કરવામાં આવ્યો છે. જે હકીકતના આધારે પાટણ એસ.ઓ.જી.પી.આઈ સહિતની ટીમે ઉપરોક્ત લકઝરી બસને રૂની- હાજીપુર માગૅ પર ઉભી રખાવી તપાસ કરતાં રાજધાની લકઝરી બસ નં. AS-01-NC-9888 માંથી શંકાસ્પદ ઘી નો જથ્થો નાના મોટા ડબ્બા નંગ-૧૦૫ કી.રૂ. ૩,૯૨, ૨૫૦ નો જથ્થો મળી આવતાં આ બનાવટી ઘી ના જથ્થા માંથી જરૂરી સેમ્પલો લઇ તેનુ પૃથ્થકરણ કરવા સારૂ એફએસએલ ગાંધીનગર ખાતે મોકલી આપવા તજવીજ હાથ ધરી લકઝરી બસ ના ચાલક સમીરખાન મહેબુબખાન ચાંદખાન બલોચ રહે.મેસર તા.સરસ્વતી જી.પાટણ અને કંડકટર રણજીત દેશળાજી વિસાજી ઠાકોર રહે.ડીસા શુભમ પાર્ટી પ્લોટ પાસે તા.ડીસાવાળા ને આગળની કાયૅવાહી માટે બાલીસણા પોલીસ ને સોપવામાં આવ્યા હોવાનું જાણવા મળ્યું છે. પાટણ એસ.ઓ.જી.પી.આઈ.જયદીપસિંહ સોલંકી અને તેમની ટીમ દ્વારા છેલ્લા એક મહિના શંકાસ્પદ ધી અને તેલ ના રૂ. 32 લાખથી વધુ નો મુદામાલ ઝડપી કડક કાર્યવાહી હાથ ધરતા પાટણ શહેર અને જિલ્લામાંઘી- તેલ મા ભેળસેળ કરતા વેપારીઓમાં સનસનાટી સાથે ફફડાટ વ્યાપી જવા પામ્યો હોવાનું જાણવા મળ્યું છે. પાટણ એસ.ઓ.જી પોલીસે જિલ્લા પોલીસવડા ની સૂચના અનુસાર છેલ્લા એક માસની અંદર ગેરકાયદેસર હથીયારના 6 ગુના, જાહેરનામા ભંગના 30 ગુના બોગસ ડોક્ટરોના 9 ગુના દેહ વેપારના 2 ગુના અને નાસ્તા ફરતા આરોપીના 5 ગુના સાથે શંકાસ્પદ ધી- તેલ ના જથ્થા ને ઝડપી લેવાના ગુનાઓ ડીટેક્ટ ક્યૉ હોવાનું ડીવાયએસપી પંડયા એ જણાવ્યું હતું.