પાટણ; સમી પોલીસે ક્રેટા ગાડીમાંથી વિદેશી દારૂનો જથ્થો ઝડપી પાડ્યો

સમી પોલીસે વરાણા ગામના પીકઅપ સ્ટેન્ડ પાસે નાકાબંધી દરમિયાન રાજસ્થાનથી ગુજરાત તરફ આવી રહેલી એક ક્રેટા કારમાંથી વિદેશી દારૂનો મોટો જથ્થો ઝડપી પાડ્યો છે. પોલીસે ક્રેટા કારમાંથી ભારતીય બનાવટના વિદેશી દારૂ અને બિયરની 684 બોટલ/ટીન જપ્ત કરી છે. આ દારૂની કિંમત 5.11 લાખ રૂપિયા છે. પોલીસે 10 લાખની કિંમતની ક્રેટા કાર અને 15 હજારનો મોબાઈલ ફોન પણ જપ્ત કર્યો છે. કુલ મુદ્દામાલની કિંમત 15.26 લાખ રૂપિયા છે. પોલીસે કારના ડ્રાઈવર પ્રવીણ ભાંભુ (19, રહે. રામજીનો ગોળ, પનાવલી, તા. ગુડામાલાણી, જિ. બાડમેર, રાજસ્થાન)ને ઘટનાસ્થળેથી ઝડપી લીધો છે. આરોપીની પૂછપરછમાં બે અન્ય સાગરિતોનાં નામ સામે આવ્યા છે. ત્રિલોક ઉર્ફે તિલારામ ચૌધરી (રહે. ગુડામાલાણી) અને બગોદરાનો એક વ્યક્તિ હજુ ફરાર છે. કારમાંથી બે ખોટી નંબર પ્લેટ પણ મળી આવી છે. પોલીસે ત્રણેય આરોપીઓ વિરુદ્ધ ગુનો નોંધી ફરાર આરોપીઓને પકડવા માટે તપાસ શરૂ કરી છે.