સુઇગામ પાસે પિકઅપ ડાલું ફસાતા ખુદ ધારાસભ્યને ધક્કો મારવા મજબુર થયા

કટાવથી મોરવાડા રોડના નવીનીકરણ કામમાં ગેરરીતિઓની બુમરાડ સુઇગામના કટાવથી મોરવાડા સુધીના રોડના નવીનીકરણનું કામ લાગવગ અને રાજકીય વગ ધરાવતી કન્ટ્રક્શન કંપનીને સોંપાતા મનફાવે તેમ કામ થઈ રહ્યું છે. જેથી કરીને આ રોડ પર નાખેલા કપચા ઉપર એક પિક અપ વાહન ફસાઈ જતાં તેમાં બેઠેલા વાવના યુવા ધારા સભ્ય ખુદ સ્વરૂપજી ઠાકોરને નીચે ઉતરી પિક અપ વાહનને ધકકો મારવાની ફરજ પડી હતી. જે તસ્વીર સોસીયલ મીડિયામાં વાયરલ થતાં લોકોમાં ચર્ચાનો વિષય બની છે. જોકે હકીકતમાં સુઇગામ તાલુકાનાકટાવથી મોરવાડા વિસ્તારમાં બની રહેલા રોડ પર મસમોટા કપચા પાથરીને રોલર ના ફેરવતાં બીમાર ગાયને લઈને જતું પિકઅપ ડાલું રોડ પર પાથરેલ મોટા કપચાઓમાં ફસાઈ જતાં ત્યાંથી પસાર થઈ રહેલા વાવ ધારાસભ્યએ ધક્કો મારી બહાર કાઢ્યું હતું જે સોસીયલ મીડિયામાં વાયરલ તસ્વીર રોડના કામમાં થયેલી ગેરરીતિઓની ચાડી ખાઈ રહી છે.તેવો રોષ લોકોએ ઠાલવ્યો હતો.