પાટણ શહેર સહિત જિલ્લાના કેટલાક વિસ્તારોમાં સમી સાંજે સુસ્વાટા બંધ પવન સાથે મેઘરાજાનું આગમન

મેઘરાજાની પધરામણી થી વાતાવરણમાં ઠંડક પ્રસરી : શહેરીજનો વરસાદ ભીંજાયા પાટણ શહેરમાં અને સમગ્ર જિલ્લામાં મંગળવારની સમી સાંજે સુસ્વાટા બંધ પવન સાથે મેઘરાજાની ધમાકેદાર એન્ટ્રી થતા વાતાવરણમાં ઠંડક પ્રસરી જવા પામી હતી. દિવસ દરમિયાન અસહ્ય ગરમીથી ત્રસ્ત બનેલા શહેરીજનોએ વરસાદમાં પલળવાની મજા માણી હતી. તો શહેરના નીચાણવાળા વિસ્તારોમાં વરસાદી પાણી ભરાવાની સમસ્યા દર વર્ષની જેમ ચાલુ વર્ષે પણ સર્જાય હોય તેવા દ્રશ્યો જોવા મળ્યા હતા. પાટણ શહેર સહિત જિલ્લામાં પણ કેટલીક જગ્યાએ સુસવાટા બંધ પવન સાથે મેઘરાજાનું આગમન થયું હોય લોકોએ મેઘરાજાના વધામણા કરી વરસાદ માં પલળવાનો આનંદ મેળવ્યો હતો.