ઢીમા ચાર રસ્તા પર લક્ઝરી બસમાં આગ : અફરાતફરીનો માહોલ

ઢીમા ચાર રસ્તા પર આજે એક લક્ઝરી બસમાં અચાનક આગ ફાટી નીકળતા ભયનો માહોલ સર્જાયો હતો. બસમાં આગ લાગતા જ મુસાફરોમાં દોડધામ મચી ગઈ હતી, જોકે તમામ પેસેન્જરોએ સમયસૂચકતા વાપરી ત્વરિત બસની બહાર નીકળી જતા મોટી જાનહાનિ ટળી હતી. પ્રાપ્ત વિગતો અનુસાર, લક્ઝરી બસ જ્યારે ઢીમા ચાર રસ્તા પરથી પસાર થઈ રહી હતી ત્યારે અચાનક તેમાંથી ધુમાડા નીકળવા લાગ્યા હતા અને જોતજોતામાં આખી બસ આગની લપેટમાં આવી ગઈ હતી. આગ એટલી વિકરાળ હતી કે બસ ભડભડ સળગવા લાગી હતી. સદનસીબે, મુસાફરોની સતર્કતાને કારણે કોઈ જાનહાનિ થઈ નથી. જોકે, આગને કારણે આખી બસ બળીને રાખ થઈ ગઈ છે.   https://youtu.be/_DML2jaUBdg