સ્થાનિક સ્વરાજ્યની ચૂંટણીઓને લઈ વાવ પોલીસ સ્ટાફના મિત્રોમાં ભરતસિંહ રાજપૂત જેતશીભાઈ પરમાર નરેન્દ્રસિંહ તેમજ ઇલેષચંદ્ર પેટ્રોલીગમાં હતા. તે દરમિયાન પોલીસને મળેલી ચોકસ બાતમી અનુસાર માવસરી તરફથી અસારા કસ્ટમરોડ તરફ એક ફોરચ્યુંનર અને સ્વીફ્ટ ગાડી આવી રહી છે. તે ગાડીને પોલીસ મિત્રોએ રોકવાનો પ્રયાસ કરવા છતાં ગાડી ચાલકે ગાડી ભગાડી દેતા બને ગાડીઓ અસારા ખરડોલ ગામની કેનાલ પાસે અથડાતા અકસ્માત સર્જાયો હતો.
તેવામાં પીછો કરી રહેલી પોલીસ ત્યાં પહોંચી બને ગાડીઓની તલાશી કરતા અંદાજીત 8.5 લાખના વિદેશી દારૂની બોટલ નંગ 4416 તેમજ બને ગાડીઓની કિંમત મળી કુલ અંદાજીત રૂ 22 લાખનો મુદામાલ તેમજ આરોપીમાં વિપુલ રામસેગ રાજપૂત રહે. અસારા તા.વાવ અને વિપુલ હાવા રાજપૂત રહે.અસારાને પકડી જેલ હવાલે કરેલ છે. અન્ય બે અજાણ ઈસમો સહિત કુલ ચાર આરોપીઓ વિરુદ્ધ પ્રો.એક્ટ મુજબ ગુનો નોંધી આગળની વધુ તપાસ વાવ પી.આઇ.એસ.એમ. વસાવા ચલાવી રહ્યા છે. ચૂંટણીના સમયે આટલી મોટી માત્રામાં દારૂ ઝડપાતા વાવ પોલીસની કામગીરી સરાહનીય બની છે. બુટલેગરોમાં ફફડાટ જોવા મળ્યો છે.
