ધારપુર હોસ્પિટલમાં આંખના વિભાગમાં છારી ઉતારવાનું લેઝર મશીન કાર્યરત કરાયું

પાટણ જિલ્લાના આંખના દર્દીઓ માટે ફરી એક ખુશ ખબર છે અદ્યતન સાધનોથી સજ્જ એવી ધારપુર મેડિકલ કોલેજના આંખના વિભાગમાં હોસ્પિટલના મેડિકલ સુપ્રીટેન્ડેન્ટ ડૉ.પારુલ શર્મા ના અથાગ પ્રયત્નો થકી પાટણની જનતા માટે GETCO કંપનીના CSR ફંડમાંથી છારી ઉતારવાનું લેઝર મશીન ઉપલબ્ધ બનાવવામાં આવ્યું છે. આ મશીનનું લોકાર્પણ ધારપુર મેડિકલ હોસ્પિટલ ના ડીન ડૉ. હાર્દિક શાહ અને મેડિકલ સુપ્રીટેન્ડેન્ટ ડૉ.પારુલ શર્મા,અધિક ડીન ડૉ.બથીજા ના વરદ હસ્તે ગણેશ ચતુર્થી ના પાવન દિવસે કરવામાં આવ્યું હતું. લોકાર્પણ સમારોહમાં આંખના વિભાગના વડા ડૉ.સોનલ અગ્રવાલ, અને વિવિધ વિભાગના તજજ્ઞ, RMO, નર્સિંગ સુપ્રીટેન્ડેન્ટ અને નર્સિંગ સ્ટાફ તથા OPD દર્દીઓ હાજર રહ્યા હતા.ધારપુર મેડિકલ હોસ્પિટલમાં આ મશીન ઉપલબ્ધ બનતા હવે મોતિયાના ઓપરેશન પછી થતી છારી કાઢવામાં તથા ઝામર માટે લેઝર કરવા દર્દીઓને અન્ય કોઈ જગ્યાએ જવાની જરૂર નહિ પડે.