કાકોશીના તાવડીયાથી શેરબ્રોકર હોવાનુ જણાવી શેરબજારમાં રોકાણ કરવાના નામે છેતરપીંડી,વિશ્વાસઘાત કરતી ગેંગના બે ઇસમોને પાટણ એલસીબી પોલીસે ઝડપી કાયદેસરની કાર્યવાહી હાથ ધરી હોવાનું જાણવા મળ્યું છે.
આ બાબતે પોલીસ મહાનિરીક્ષક બનાસકાંઠા રેન્જ, પાલનપુર તથા પોલીસ અધિક્ષક પાટણ વી.કે.નાયી નાઓએ પાટણ જીલ્લામાંથી મિલ્કત સબંધી ગુના શોધી કાઢવા કરેલ સુચના આધારે આર.જી.ઉનાગર પો.ઈન્સ.એલ.સી.બી.પાટણ નાઓના માર્ગદર્શન મુજબ એલ.સી.બી. સ્ટાફના માણસો કાકોશી પો.સ્ટે. વિસ્તારમાં પેટ્રોલીંગમાં હતા.
દરમ્યાન મળેલ હકીકત આધારે તાવડીયા ગામે ખાતે ગૌસ્વામી અજયપુરી રાજેશપુરી રહે-તાવડીયા તા.સિધ્ધપુર જી.પાટણ વાળાના ત્યાં પંચો સાથે રેડ કરતાં સદરી ઇસમ અન્ય એક આરોપી સાથે એકબીજાના મેળાપીપણામાં રહી એંડ્રોઇડ મોબાઇલ ફોનમાં એન્જલ વન નામની એપ્લીકેશન રાખી જેમાં શેરબજારના ભાવની વધ-ઘટ જોઇ સાદા કીપેડ વાળા મોબાઇલ ફોન દ્વારા ગ્રાહકોને ફોન કરી પોતે ખોટુ નામ ધરણ કરી સેબીના કોઇપણ પ્રકરના લાઇસન્સ વગર લોકોને શેરબજારમાં વધુ નાણાં કમાવવાની ટીપ્સ આપી જે ગ્રાહક શેરબજારમાં પૈસા રોકવા પ્રેરાય તેની સાથે શેરબજારના નામે વિશ્વાસઘાત છેતરપીંડી ઠગાઇ કરવાના ઇરાદે ગુનાહીત કાવતરૂ રચી એકબીજાને મદદગારી કરી ગુનો આચરતા કુલ મોબાઇલ નંગ-09,લેપટોપ નંગ-01 પ્રીન્ટર-01 બેંક પાસબુક,ચેકબુક સહીત જરૂરી સાહીત્ય મળી કુલ.રૂ.68500 ના મુદ્દામલ સાથે આરોપી ગૌસ્વામી અજયપુરી રાજેશપુરી રહે-તાવડીયા તા.સિધ્ધપુર જી.પાટણ અને ભરતજી હમીરજી ઠાકોર રહે-ગુંછળી તા.વિજાપુર જી.મહેસાણાને ઝડપીતેઓના વિરૂધ્ધમાં કાકોશી પો.સ્ટે ગુ.ર.કરાવી કાયદેસરની કાર્યવાહી હાથ ધરી હોવાનું જાણવા મળ્યું છે.
