ગૌમાતા સર્કલથી શરૂ થયેલી રેલીમાં પોલીસ જવાનોએ હેલ્મેટ પહેરી અને બેનરો સાથે રાખી વાહન ચાલકોને આપ્યો સુરક્ષાનો સંદેશ
વાવ-થરાદ જિલ્લા પોલીસ વડા ચિંતન તેરૈયાના ઓની ખાસ સૂચના અને માર્ગદર્શન હેઠળ માર્ગ અકસ્માતો અટકાવવા તથા રોડ સેફ્ટી અંગે જાગૃતિ લાવવાના હેતુથી એક ભવ્ય બાઇક રેલીનું આયોજન કરવામાં આવ્યું હતું. વાવ-થરાદ જિલ્લા ટ્રાફિક PI આર. જે. ચૌધરીની આગેવાની હેઠળ આ રેલીનું સફળ આયોજન સંપન્ન થયું હતું.
આ બાઇક રેલી ગૌમાતા સર્કલથી શરૂ થઈ રેફરલ હોસ્પિટલ, સર્કિટ હાઉસ રોડ તથા દૂધ શીત કેન્દ્ર થઈ પરત ગૌમાતા સર્કલ ખાતે આવીને પૂર્ણ થઈ હતી. આ રેલીમાં મોટી સંખ્યામાં પોલીસ જવાનોએ ઉત્સાહભેર ભાગ લીધો હતો.
રેલી દરમિયાન તમામ પોલીસ જવાનોએ ફરજિયાત હેલ્મેટ પહેરીને બાઇક ચલાવી હતી. અને સમગ્ર વાવ થરાદ જિલ્લા અને તાલુકાના વાહન ચાલકોને માર્ગ સલામતી તથા ટ્રાફિક નિયમોનું પાલન કરવાનો મહત્વપૂર્ણ સંદેશ આપ્યો હતો. ટ્રાફિક પોલીસની આ પહેલને સ્થાનિક લોકો દ્વારા બિરદાવવામાં આવી હતી.
